ओली-प्रचण्ड यो शर्तमा मिलेर चुनावमा, नेकपा सफल हुने इश्वर पोखरेलको घोषणा
२३ पुष २०७७, बिहीबार २०:२१
काठमाडौं । नेपाल कम्युनिस्ट पार्टी नेकपाका नेता एवं उपप्रधानमन्त्री ईश्वर पोखरेलले विभाजित ओली प्रचण्ड समुह मिलेर चुनावमा गए सफलहुने बताएका छन् । सिन्धुपाल्चोकको खाडीचौरमा बिहिबार आयोजित नेकपा कार्यकर्ता भेलालाई सम्बोधन गर्दै पोखरेलले यस्तो बताएका हुन् ।
उनले आगामी चैतमा हुने महाधिवेशन अगाव कसैको स्वार्थका लागि हठात् मनस्थितिबाट ग्रसित भई घेराबन्दीमा पारेपछि प्रधानमन्त्रीले मध्यावधि निर्वाचनको घोषणा गरेको समेत बताएका छन् ।
पोखरेलले अध्यक्ष पुष्पकमल दाहाल प्रचण्डले लगाएको अभियोग फिर्ता लिई मिलेर चुनाव लडेमा सबै समस्या समाधान हुने बताएका हुन् । ताजा जनादेशका लागि गरिएको प्रक्रिया कायमै रहने जनाउँदै उनले वैधानिक रुपमा प्रतिनिधिसभा विघटन गरिएको बताए ।

फेसबुकबाट तपाईको प्रतिक्रिया