नेपालमा संक्रमितको संख्या ९ पुग्यो ,थप तीन जना कोरोना संक्रमित फेला – Nagarikabhiyan : National News

नेपालमा संक्रमितको संख्या ९ पुग्यो ,थप तीन जना कोरोना संक्रमित फेला

काठमाडौं : नेपालमा कोरोनाभाइरस (कोभिड–१९)को नयाँ तीन जना संक्रमित फेला परेको छ ।
सुदूरपश्चिममा थप तीन जनामा कोरोना पोजेटिभ देखिएको हो ।

स्वास्थ्य मन्त्रालयका अनुसार मुम्बइबाट फर्किएका कैलालीका २१ वर्षीय युवक, उत्तरराखण्डबाट फर्किएका कञ्चनपुरका ४१ वर्षीय पुरुषमा कोरोना संक्रमित भएको फेला परेको हो ।

साथै कैलालीको ३४ वर्षीय महिलामा पनि कोरोना संक्रमित भएको स्वास्थ्य जनसंख्या मन्त्रालयले पुष्टि गरेको छ ।

यसअघि दुबईबाट फर्केका धनगढीका ३४ वर्षीय युवकमा कोरोना पोजेटिभ देखिएको थियो ।
३४ वर्षीय महिला उनको भाउजु हुन् ।

यो स्थानीयमा कोरोना संक्रमण भएको पहिलो हो ।

यसअघि नेपालमा कोभिड–१९ का आयातिय संक्रमितहरु मात्रै फेला परेको थियो ।
योसँगै नेपालमा कोरोना संक्रमितको संख्या ९ पुगेको छ ।