देवानगञ्ज घटनाको निष्पक्ष छानबिनका लागि सुनसरीमा नयाँ प्रहरी प्रमुख: स्वच्छ छविका पुष्पराज मल्ल आउँदै
११ श्रावण २०८३, सोमबार २०:४६
देवानगञ्ज । देवानगञ्जमा हिजो घटेको अप्रिय घटनापछि जिल्लाको शान्ति-सुरक्षा र जनविश्वासलाई पुनः कायम गर्न प्रहरी नेतृत्वमा ठूलो हेरफेर गरिएको छ। घटनाको गम्भीरतालाई ध्यानमा राख्दै सुनसरीका साविक प्रहरी प्रमुखलाई जिम्मेवारीबाट हटाइएको छ भने उनको ठाउँमा नेपाल प्रहरीभित्र निर्भीक, निष्पक्ष र उच्च छवि बनाएका पुष्पराज मल्ललाई नयाँ प्रहरी प्रमुखका रूपमा कमान्ड सम्हाल्न पठाइँदै छ ।
तत्कालीन प्रहरी प्रमुखलाई जिम्मेवारीबाट हटाएर स्वच्छ छविका अधिकारीलाई ल्याउने निर्णयलाई स्थानीय नागरिक तथा बुद्धिजीवीहरूले सकारात्मक रूपमा लिएका छन्।
नयाँ आउने प्रहरी प्रमुख मल्लले जिम्मेवारी सम्हालेलगत्तै देवानगञ्ज घटनाको स्थलगत अवलोकन र गहिरो अनुसन्धान सुरु गर्ने तयारी छ। कानुनभन्दा माथि कोही नहुने भएकाले दोषीलाई कडा कारबाही गरिनेछ।
सुनसरीको कमान्ड सम्हाल्न लागेका पुष्पराज मल्लले क्षेत्रको शान्ति-सुरक्षा चुस्त बनाउनुका साथै देवानगञ्ज घटनाका हरेक पाटालाई सूक्ष्म रूपमा अध्ययन गरी तथ्य बाहिर ल्याउने प्रतिबद्धता जनाएका छन्।

फेसबुकबाट तपाईको प्रतिक्रिया