एमाले बागमती प्रदेश अध्यक्षको उम्मेदवारीबाट केशव पाण्डेको नाम फिर्ता
११ आश्विन २०८०, बिहीबार १६:३०
काठमाडौं :नेकपा एमाले बागमती प्रदेश अध्यक्ष पदबाट केशव पाण्डेले उम्मेदवारी फिर्ता लिएका छन्।
केन्द्रीय नेताहरुले सर्वसम्मत रुपमा नेतृत्व चयन गर्ने प्रयास गरेपछि पाण्डेले आफूले उम्मेदवारी फिर्ता गरेर मार्ग प्रशस्त गरेको जानकारी दिए। योसँगै अध्यक्ष पदको लागि ४ जना उम्मेदवार रहेका छन्।
पाण्डेले अन्यले पनि उम्मेदवारी फिर्ता लिने र सर्वसम्मत रूपमा नेतृत्व चयन हुने वातावरण निर्माण आफू लागेको बताए। ‘अध्यक्ष पदमा अब मेरो उम्मेदवारी छैन। अरूलाई उम्मेदवारी फिर्ता गर्न लगाएर सर्वसम्मत रुपमा नेतृत्व चयन गर्ने पक्षमा म लागेको छु’,पाण्डेले भने।

फेसबुकबाट तपाईको प्रतिक्रिया