अर्किड कलेजमा विज्ञान प्रर्दशनी तथा फूड फिस्टा सम्पन्न – Nagarikabhiyan : National News

अर्किड कलेजमा विज्ञान प्रर्दशनी तथा फूड फिस्टा सम्पन्न

विराटनगर । विराटनगर–१० मा रहेको अर्किड कलेजमा एक दिने विज्ञान प्रर्दशनी तथा फूड फिस्टा सम्पन्न भएको छ । विद्यार्थीहरूमा भएको प्रतिभा उजागर गर्ने उद्देश्यले एक दिने विज्ञान प्रर्दशनी आयोजना गरिएको कलेजका प्रिन्सिपल दिपेश बास्तोलाले जानकारी दिए ।

कलेजमा कक्षा ११ र १२ मा विज्ञान संकायमा अध्ययनरत विद्यार्थीहरूले विज्ञान प्रर्दशनीमा विभिन्न १० वटा स्टल राखेका थिए । विद्यार्थीहरूले डीनए मोडेलदेखि लिएर ग्यास डिटेक्टर, डोजर, टेस्ला कोइल लगायत प्रर्दशनीमा राखेका थिए ।

कलेजमा कक्षा ११ र १२ मा होटेल मेनेजमेन्टमा अध्ययनरत विद्यार्थीहरूले आफुले शिकेको सीपको सदुपयोग गर्दै विभिन्न खानाका परिकारहरू  प्रर्दशनीमा राखेका थिए । सोही अवसरमा अर्किड कलेजका पूर्व विद्यार्थी गायक शुसान्त रेग्मीले गित गाउँदै विद्यार्थीलगायत शिक्षकहरूलाई नचाएका थिए । कार्यक्रममा कलेजले दोस्रो त्रैमासिक परिक्षामा उत्कृष्ट हुने विद्यार्थीलाई पुरस्कृत तथा सम्मान गरेको थियो ।