कुवेत जानलाई काठमाडौँबाट भन्दा भैरहवाबाट ८ हजारले सस्तो – Nagarikabhiyan : National News

कुवेत जानलाई काठमाडौँबाट भन्दा भैरहवाबाट ८ हजारले सस्तो

काठमाडौं । यही जेठ दुई गतेदेखि भैरहवाबाट कुवेत सिधा उडान सुरु गरेको जजिरा एयरवेजले दोस्रो सातामै आशा गरेभन्दा बढी यात्रु पाएको छ ।

जजिराले काठमाडौँसँगै भैरहवास्थित गौतमबुद्ध अन्तर्राष्ट्रिय विमानस्थलबाट पनि उडान गरिरहेको छ ।

यस विमानस्थलबाट तेस्रो मुलुक उडान गर्ने जजिरा पहिलो विमान सेवा कम्पनी हो। ‘भैरहवा(कुवेत हवाई भाडा सस्तो पनि भएकाले अहिले यहाँबाट हामीले राम्रो सङ्ख्यामा यात्रु पाएका छौँ,’ जजिरा एयरवेज नेपालका कन्ट्री म्यानेजर अमित नागरथले भने।

काठमाडौँ(कुवेतको भन्दा भैरहवा९कुवेतको हवाई भाडा निकै सस्तो छ । भैरहवा(कुवेत हवाई भाडा प्रतियात्रु करिब ८ हजार रुपैयाँको हाराहारीमा सस्तो रहेको नागरथले बताए ।

“यहाँबाट कुवेतमात्र नभई कुवेत ट्रान्जिट हुँदै कतार लगायतका खाडीका अन्य देश समेत जाने यात्रुहरू बढी रहेका छन् ।

अहिलेसम्म भैरहवा–कुवेत ८ उडान भइसकेकोमा ३ उडानमा फुल बोर्डका साथै अन्यमा पनि ८० प्रतिशतभन्दा बढी यात्रु उडेका छन् ।

यो खबर आजको कारोबार दैनिकमा छ ।