देवानगंजमा अति बिपन्न परिवार लाई न्यानो लुगा, ब्ल्याङकेट लगायत स्यानेटरी प्याड बितरण !
९ माघ २०७८, आईतवार १७:२४
देवानगंज । सुनसरी को सिमावर्ती क्षेत्र देवानगंज गाउँपालिका वडा नम्बर १ मध्यहोर्षाही का अति बिपन्न परिवार लाई न्यानो लुगा, ब्ल्याङकेट र स्यानेटरी प्याड बितरण गरिएको छ ।
लियो क्लब अफ बिरेन्द्रपुर धरान र अंकुर सामाजिक संस्था देवानगंजले संयुक्त रुपमा एक कार्यक्रमको आयोजना गरि मध्यहोर्षाहीका १६० जना भन्दा बढि बृद्ध, महिला, बालबालिका, गरिब, र असहायहरु लाई जाडो छल्न न्यानो लुगाका साथै किशोरीहरू लाई महिनावारी भएको बेला अपनाउनुपर्ने सरसफाइको उपाय र स्यानेटरी प्याड को प्रयोग बिधिसम्बन्धि जानकारी दिई स्यानेटरी प्याड बितरण गरिएको अंकुर सामाजिक संस्था देवानगंज का अध्यक्ष सन्तकुमार मेहता ले जानकारी दिए।

जाडोमा निकै कष्टकर जीबन बिताइरहेका अति बिपन्न परिवारलाई थोरै भएपनि राहत होस भनेर न्यानो लुगा, ब्ल्याङकेट र स्यानेटरी प्याड बितरण कार्यक्रम अनतरगत लुगा सहयोग गरिएको लियो क्लब अफ बिरेन्द्रपुर धरान का अध्यक्ष प्रतिक ओझाले बताए ।

सुनसरी जिल्लाका बिभिन्न ठाउँमा पुगी लियो क्लब अफ बिरेन्द्रपुर धरान का टिम ले स्थानिय संघ संस्था संग सहकार्य गरी असायहरुलाइ सहयोग गर्दै आएको छ । लगातारको चीसोले बाहिर निस्कन समेत समस्यामा परीरहेको बेला लायन्स क्लबले न्यानो लुगा वितरण गरेपछि मध्यहोर्षाही का अति बिपन्न परिवारहरु निकै खुसी भएका छन ।

समाजमा बसोबास गर्नै सबै मानिसहरुले यस्तै सहयोगको भाबना राखे कोही पनि दुःखमा नपर्ने लियो क्लब अफ बिरेन्द्रपुर धरान का संस्थापक अध्यक्ष एलिन गुरुङग ले बताए ।
देवानगंज गाउँपालिका वडा नम्बर १ मध्यहोर्षाही का वडा सचिव दिलिप साहको प्रमुख आतिथ्यमा लुगा बितरण गरिएको हो । बितरण कार्यक्रममा बोल्दै वडा सचिव दिलिप साहले अति बिपन्न परिवारलाई न्यानो लुगा बितरण गरिने कार्य अत्यन्तै उदाहरणिय कार्य गरेको कारण संस्थाका स्वयमसेवक युवाहरु लाई धन्यवाद समेत व्यक्त गरे।

न्यानो लुगा वितरण कार्यक्रममा द्रुत प्रतिकार्य केन्द्र (क्यू. आर. सी) देवानगंज ले समेत सहयोग गरेको थियो । लियो क्लब अफ बिरेन्द्रपुर धरान र अंकुर सामाजिक संस्था देवानगंज संग सहकार्य गरेर सहयोग गर्न पाउँदा धेरैनै खुसी लागेको क्यू. आर. सी. देवानगंज का संयोजक किशोर मेहता ले जानकारी दिए ।
उक्त कार्यक्रम मा लियो क्लब अफ बिरेन्द्रपुर धरान का आशिष साह, सुशान बस्नेत, अंकुर सामाजिक संस्था देवानगंजका दिपक मेहता , दशरथ मेहता , समाज सेवी डोमी ठाकुर का साथै नागरिक अभियान का देवानगंज न्युज डेस्क प्रमुख ब्रहमदेव मेहता लगायत को उपस्थिति थियो ।

फेसबुकबाट तपाईको प्रतिक्रिया