यौन शोषणको आरोपमा कानुन व्यवसायी पक्राउ
२१ आश्विन २०७८, बिहीबार १६:१६
उदयपुर । यौन शोषणको आरोपमा उदयपुर प्रहरीले एक जना कानुन व्यवसायीलाई नियन्त्रणमा लिएको छ ।
एकल महिलालाई यौन शोषण गरेको आरोपमा बेलका नगरपालिका९ ७ रामपुरठोक्सिला स्थायी घर भई गाईघाटमा बस्दै आएका सुमन भन्ने किरण केसीलाई प्रहरीले पक्राउ गरेको हो ।
केसी नेपाल बार एसोसिएसन जिल्ला सदस्य पनि हुन् । चौदन्डीगढी नगरपालिका(८ सिद्धिपुर निवासी पीडित महिलाले आफूलाई १० वर्षदेखि बन्धक बनाई यौन शोषण गर्दै आएको उजुरी जिल्ला प्रहरी कार्यालयमा दिएकी छन् ।
उजुरीका आधारमा जबर्जस्ती करणी मुद्दामा अनुसन्धानका लागि म्याद थप गरी केसीमाथि अनुसन्धान थालेको प्रहरी नायव उपरीक्षक वेदप्रसाद गौतमले जानकारी दिए ।

फेसबुकबाट तपाईको प्रतिक्रिया