माधवलाई प्रधानमन्त्री प्रस्ताव गर्न मलाई बहुला कुकुरले टोकेको छ र ? : ओली – Nagarikabhiyan : National News

माधवलाई प्रधानमन्त्री प्रस्ताव गर्न मलाई बहुला कुकुरले टोकेको छ र ? : ओली

काठमाडौं । प्रधानमन्त्री केपी शर्मा ओलीले नेता माधव कुमार नेपाललाई प्रधानमन्त्री प्रस्ताव नगरेको बताउनुभएको छ ।

७० औं मदन भण्डारी जन्मजयन्तीको अवसरमा प्रधानमन्त्री निवास बालुवाटारमा आयोजित कार्यक्रमलाई सम्बोधन गर्दै एमाले अध्यक्ष समेत रहनुभएका प्रधानमन्त्री ओलीले नेता नेपाललाई प्रधानमन्त्री प्रस्ताव गर्न आफूलाई बोलाहा कुकुले नटोकेको बताउनुभयो ।

नेता नेपाल प्रचण्डको पुच्छर भएको टिप्पणी गर्दै उहाँले भन्नुभयो, ‘धाक के लगाएर हिँडेका छन् भने केपी ओलीले मलाई प्रधानमन्त्रीको प्रस्ताव राख्यो मलाई बहुला कुकुरले टोकेको छ र ? अरु कोही नपाएर यस्ता मान्छेलाई प्रधानमन्त्री प्रस्ताव केपी ओलीले राख्ला ?’

ओलीले एमाले नेता माधव नेपाललाई लाज सरम पचेको मान्छे समेत भएको टिप्पणी गर्नुभयो । उहाँले सर्वोच्च अदालतमा पनि प्रचण्डपथको चर्चा हुने भन्दै उहाँले प्रचण्डपथ कांग्रेसले अंगालेको समेत बताउनुभयो ।

उहाँले भन्नुभयो, ‘नेपाली कांग्रेसले अंगालेपछि प्रचण्डपथ यति व्याप्त भइसक्यो कि अहिले प्रचण्ड पथ सर्वोच्च अदालतमा पनि चर्चा हुन्छ’ ।

उहाँले अघि भन्नुभयो, ‘फान्स र बेलायतका राजाहरू किन काटिन्थे भन्दा अहिलेको राष्ट्रपति र प्रधानमन्त्रीले गरेको जस्तै गर्दा रहेछन् र पो काटिँदो रहेछ। अथवा अहिलेका राष्ट्रपति र प्रधानमन्त्रीलाई पनि काट्नुपर्छ, यो कुरा त प्रचण्डका एक जना कार्यकर्ताले त सर्वोच्च अदालतमै भने।’ ज्योतिन्यूज बाट