विमानस्थलमा भावुक भए बाबुराम- कसरी आँसु थामिन्थ्यो र! – Nagarikabhiyan : National News

विमानस्थलमा भावुक भए बाबुराम- कसरी आँसु थामिन्थ्यो र!

काठमाडौं– पूर्वप्रधानमन्त्री एवं जनता समाजवादी पार्टी (जसपा) का संघीय परिषद अध्यक्ष बाबुराम भट्टराई बैदेशिक रोजगारीको क्रममा ज्यान गुमाएका युवाको शव बुझन आएका आफन्तलाई भेट्न अन्तराष्ट्रिय त्रिभुवन विमानस्थल पुगेका छन् ।

शव लिन गोरखाबाट आएका आफन्तलाई भेट्न उनी विमानस्थल पुगेका हुन् । बैदेशिक रोजगारीमा मलेशिया गएका १२ नेपालीको शव आज नेपाल ल्याएको थियो । शव आइपुगेका मध्ये गोरखा–२ सिरानचोक–५ का २८ वर्षिय सूर्य विक र गोरखा नपा–१२का २७ वर्षिय मेघबहादुर कुँवरको पनि शव आज आइपुगेको हो ।

पूर्वप्रधानमन्त्री भट्टराईले रोजगारीमा गएका नेपालीको बाकसमा फर्किनुपरेको भन्दै दुख व्यक्त गरेका छन् ।

उनले सामाजिक सञ्जालमा लेखेका छन् ,‘कस्तो दुःखद अवस्था! बैदेशिक रोजगारीमा मलेशिया गएका नेपाली युवाहरूमध्ये १२जनाको शव एकैदिन त्रिभुवन विमानस्थल आइपुग्यो !तीमध्ये गोरखा–२सिरानचोक–५का सूर्य विक (२८बर्ष) र गोरखा नपा–१२का मेघबहादुर कुककवर(२७ बर्ष)को शव बुझ्न आएका आफन्तहरूको भावविह्वल अवस्था देख्दा कसरी आँसु थामिन्थ्यो र!’