नेपाल मुस्लिम आयोगले औपचारिक कार्यक्रमहरुमा मुस्कान खातुनलाई विशेष वक्ताको रुपमा राख्ने – Nagarikabhiyan : National News

नेपाल मुस्लिम आयोगले औपचारिक कार्यक्रमहरुमा मुस्कान खातुनलाई विशेष वक्ताको रुपमा राख्ने

काठमाडौं ।  नेपाल मुस्लिम आयोगले कार्यक्रमहरुमा मुस्कान खातुनलाई विशेष वक्ताको रुपमा राख्ने  जनाएको छ ।

 

आयोगले आयोजना गर्ने सबै प्रकारका औपचारिक कार्यक्रममा विशेष वक्ताको रुपमा मुस्कान खातुनलाई प्रस्तुत गर्ने भएको हो ।  बुधबार आयोग कार्यालयमा एसिड पीडित खातुनलाई अध्यक्ष समिम मिया अन्सारीले सम्मान गर्नुभएको छ ।

 

एसिड बिरुद्धको अभियानमा मुस्कानको भूमिका महत्वपूर्ण हुने भएकोले सम्मान कार्यक्रममा  विशेष स्थान मुस्कानलाई नै दिन लागिएको अध्यक्ष अन्सारीले बताए । एसिडले जलेको घाउलाई शक्तिमा बदलेर समाजमा उभिन सक्नु ठूलो साहसको काम भएकोले आयोगले सम्मान गरेको छ  ।

 

सम्मानित खातुनले सबैको सहयोग र सद्भावले आफूले पीडालाई शक्तिमा बदल्न सकेको बताए । आफूले एसिड बिरुद्ध जनचेतना जगाउन काममा सधै लाग्ने पनि बताए । केहि दिन अघि अमेरिकी सरकारले जलेको घाउ लिएर समाजमा क्रियाशिल भएर कार्य गरिरहेको भनेर सम्मान गरेको थियो । यस्तै नेपाल सरकारले अन्तराष्ट्रिय महिला दिवसको अवसरमा विशेष सम्मान पनि गरेको थियो  ।